Cerna, a primeira formación nacionalista en condenar a decisión do TC sobre Cataluña
Consiera “inaceptábel” que impida a investidura de Puigdemont no Parlament e fala xa de situación kafkiana.
Por Galicia Confidencial | Compostela | 28/01/2018 | Actualizada ás 14:22
Cerna, formación integrada en En Marea, é a primeira forza do ámbito nacionalista en amosarse moi critica coa decisión adoptada polo Tribunal Constitucional (TC) en relación a sesión de investidura no Parlament de Cataluña e critica que “se rachou coa liberdade de poderes” entre o executivo, o lexislativo e o xudicial.
Así, denuncia que o Tribunal Constitucional acaba de adoptar unha medida “cautelar” -non prevista na LOTC- pola que “limita a autonomía parlamentaria e o dereito de representación sen admitir a trámite o recurso pero si entrando a pronunciarse sobre o fondo.
“O TC, sen admitir expresamente o recurso do goberno, pon condicións para a investidura por un Parlamento soberano dun presidente proposto regulamentariamente, exiliado político, e que se comparece persoalmente, se non llo autoriza un xuíz previa detención, non podería ser investido. Kafka redivivo!”, ironiza. “Esta é a morte anunciada do estado de dereito, que fracasa e fracasará en Cataluña”, engade.
