Álvaro Santos: “Temos dereito a saber se o capricho do PP en Lugo custou a vida dalgún veciño”

“Estamos convencidos de que, desgraciadamente, isto foi así porque, en caso contrario, o PP tería amosado os datos do Rexistro Galego de Infarto”, engade.

Por Galicia Confidencial | Lugo | 23/02/2018 | Actualizada ás 08:30

Comparte esta noticia

O PSOE de Lugo insiste en saber se a decisión da Xunta de non dotar o servizo de Hemodinámica no HULA durante 24 horas ten provocado a morte de veciños. Por iso, hai uns días pediulle ao Goberno galego que publique todos os datos do Rexistro Galego de Infarto. Unha petición que mantén a pesar de que os populares anunciaron que aumentan este servizo ata as 22.00 horas.

Álvaro Santos Ramos.
Álvaro Santos Ramos.

“Os lucenses temos dereito a saber se o capricho do PP en Lugo custou a vida dalgún veciño”, insistiu este xoves Álvaro Santos, o secretario xeral do PSOE nesta provincia.  “Temos dereito a coñecer a diferenza entre a taxa de mortalidade e morbilidade entre os veciños que son atendidos en Lugo e dos que o fan na Coruña”, engadiu.

“Os lucenses queremos saber, e dende o PSOE nos imos a encargar de que así sexa, se a decisión ou o capricho do PP de retrasar, cando menos 7 anos, o funcionamento de hemodinámica as 24 horas costou ou condicionou a vida dalgún veciño. Nese caso, deberán depurarse responsabilidades”, reclamou.

Os socialistas cren que houbo mortos porque, en caso contrario, o PP tería amosado os datos do Rexistro Galego de Infarto nos que se ampara para non ter implantado Hemodinámica 24 horas. Por iso, suliñaron que van seguir traballando e pelexando por ter un servizo de Hemodinámica as 24 horas dos 365 días do ano no HULA.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

2 Eduardo

Es una lástima que se haga política con la salud, atemorizando a la gente, la mayoría de los que HEMOS INFARTADO a "deshoras" segun los socialistas, nos han estabililizado, tratado y mantenido en estricta observación. De la misma manera que no hay cirugías programadas a las 3 de la mañana, mantener un servicio de hemodinámica "por si es necesario" no es lógico. ¿ Cuantos infartados fuera de este horario que se ha implantado ahora ha habido en Lugo? Es necesario que avancemos en ello, que se sigan pidiendo mejoras, es lógico y somos TODOS los interesados, pero.....no pretendamos causar un temor horrible cuando sabemos que lo que dicen no tiene visos de verosimilitud.

1 Pasoliniana

Eu non sei se ti sufriches ou non esa enfermidade. Eu téñoa moi próxima na familia e sei o que se sente cando un familiar infartado nunha fin de semana é trasladado á Coruña, despois de previo cambio de ambulancia antes de abandonar esta provincia. E incrible coma chegades a xogar cos sentimentos das persoas para arañar votos! Queres falar. Eu podo falar. Pola miña boca pode saír a impotencia de seguir unha ambulancia ata a Coruña desesperada. Fala Eduardo, fala. Contéstame.

2 Pasoliniana

E non, ho calando ou facéndonos calar aos demais non se avanza. Ou é que a ti déronche un trato especial que non nos reservaron ao resto???? Neste tema sería mellor que calasedes as boquiñas porque seremos poucos os que temos valentía en Lugo para falar claro e alto, pero algúns inda somos. Grazas PSdG e seguide... Seguide: por exemplo, podedes pedir explicacións de coma se xestionan as listas de espera? Eu disto tamén podo contar unha historiña doutro familiar agardando un tempiño por un aparatiño. Queres que cha conte querido Eduardo? Ou é que ti tampouco tiveches que esperar? Nun mes vivín todo isto e un tal Eduardo atrévese a recriminar aos únicos que están a facer algo. Grazas, Álvaro. Mil grazas.

3 Pasoliniana

A ver, inda non contestou Fernando? I have to ask you in English?

4 Pasoliniana

Ai, perdón que era Eduardo. E que cando tes que ler comentarios así despois de pasar o que pasei eu ata xa nin sabes o que les. Pero coma alguén pode acusar de eleitoralismo a quen pretende unha mellora sanitaria urxente e precisa para o lugar onde afirma vivir. Coma se atreve a poñer voz a todos os que viviron a experiencia de infartar a "deshora"" coma di el en Lugo? A onde imos? Coma podes nin sequera facer ese comentario e máxime cando o estás a facer para defender a un partido político. A miña dor non entende de partidismos neste caso. Se fose o PSOE quen gobernase e o PP quen pedise a ampliación apoiaría ao PP? Por favor, non sei se infartaches ou non, pero ti non es quen para erixirte en representante de ninguén. Grazas Álvaro e grazas Galicia Confidencial por dar voz aos que berramos no deserto e choramos polos currunchos.

1 Pasoliniana

Un político progresista que fala de forma clara e contundente e non busca polémicas baratas coa Igrexa a conta dos pésimos chistes dun actor (digades o que digades en progrelandia eran dun pésimo gusto) ou apoia folgas con Baltar.... A ver, isto non pode ser Galicia? Confirmádemo.