Xerais confía nunha "solución dende a liberdade de edición" para poder distribuír 'Fariña' en galego

Manuel Bragado confía en que os lectores interesados poidan, finalmente, ler o libro.

Por E.P. | SANTIAGO DE COMPOSTELA | 05/03/2018 | Actualizada ás 16:45

Comparte esta noticia

Edicións Xerais de Galicia, titular dos dereitos en galego do libro 'Fariña' de Nacho Carretero, acatará a decisión xudicial de paralizar esta edición, aínda que confía en que se alcance unha "solución desde a liberdade de edición" para o libro.

Fariña, nueva serie de Antena 3, finaliza su rodaje
Fariña, nueva serie de Antena 3, finaliza su rodaje

Así o dixo, en declaracións a Europa Press, o director de Xerais, Manuel Bragado, quen confirmou que a editorial está "atenta" a esta información e, a "tenor do establecido" pola xuíza de Collado Villalba, paralizarase a edición deste libro na súa versión en galego.

O Xulgado número 7 de Collado Villalba executou o secuestro do libro 'Fariña', de Nacho Carretero, 11 días despois de que o exalcalde do Grove (Pontevedra), Alfonso Bea Gondar, depositase unha caución de 10.000 euros para o cumprimento da medida cautelar, aceptada nun auto datado a 12 de febreiro. Esta medida, ademais do propio libro, afecta á edición en galego, que prepara Xerais.

Sobre esta cuestión, Manuel Bragado adheriuse ás posicións da editorial de 'Fariña', Libros del KO, que xa no seu momento recorreu a medida cautelar de secuestro da obra.

A maiores, e tras pedir respecto tamén para os que "se puderon sentir ofendidos", confiou en que esta cuestión "sexa solucionada desde a liberdade de edición" e que se poida "levantar a medida cautelar" para proceder á difusión do libro en galego, cuxa saída estaba prevista para as próximas semanas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta