Transparencia: a miña declaración de patrimonio (III)

Fai agora trece días daba a coñecer unha proposta para que os cargos públicos da Xunta de Galicia tiveran que facer pública a súa declaración de bens, intereses, actividades e patrimonio, tal e como xa se ben facendo en Andalucía, Castela-Mancha,Extremadura ou no Goberno de España.

Por Lage Tuñas | Noia | 07/02/2011

Parece que o Partido Popular rexeita a proposta aínda que ningùn dos seus voceiros dou a cara para explicar as sùas razóns.  Cabe recordar que a nosa proposta está dirixida a fomentar a transparencia e  combatir a opacidade, a mellorar a relación de confianza entre a cidadanía e os representantes pùblicos e a incorporar ao marco normativo galego disposicións xa existentes noutras Comunidades Autónomas.

Tamén teño que recordar aquí que a semana pasada o PSOE anunciaba no Congreso dos Deputados e no Senado a presentación dunha proposta semellante para que os deputados/as e senadores/as tiveran que facer pública a súa declaración de bens, actividades, intereses e patrimonio como xa fai o Goberno de España dende o ano 2009.

O Presidente da Xunta ata o de agora evitou pronunciarse de forma explícita, a pesares de que o Sr. Nùñez Feijóo lle adica màis tempo à sùa vocación de tertuliano que à  tarefa que ten como màxima autoridade de Galicia.

Por qué o “tertuliano” Feijóo està mudo diante dunha proposta que mellora a transparencia na política e permite unha maior calidade do noso sistema democràtico?

Que teñen que ocultar aos galegos Feijóo e o seu goberno?

Por qué non apoian a proposta para que sexa pùblica a Declaración de Bens, rendas, intereses, actividades e Patrimonio? Eu tal e como vos anunciaba fai uns días neste blog, fago hoxe público un resumo da miña declaración de patrimonio.

Resumo declaración de patrimonio cargo público

:

É unha decisión libre e voluntaria, comprometida coa transparencia e en liña coa proposta que presentamos o pasado 19 de xaneiro na que lle demandamos ao goberno galego que impulse unha normativa autonómica que obrigue aos cargos pùblicos a facer pùblica a declaración de patrimonio (actividades, intereses, rendas e bens) de xeito anual.

Penso que a transparencia é boa para a democracia e por iso comprométome a facer pùblico a través deste blog, de xeito anual, un resumo da miña declaración de patrimonio.

Que temen Nùñez Feijóo e o seu goberno?