Escoita o audio no que Feijóo menospreza a xornalistas galegos

“Cando teñan vostedes un programa en La Sexta igual lles contesto”, contestou o presidente da Xunta na rolda de prensa posterior ao Consello.

Por Galicia Confidencial | Santiago de Compostela | 15/03/2018 | Actualizada ás 20:30

Comparte esta noticia

Primeiro foi o xornalista de Praza, David Reinero. “Que delegado do Goberno lle deu a vostede esa información?”, preguntoulle a Alberto Núñez Feijóo tras recoñecer el mesmo no programa 'Salvados' de La Sexa que un alto cargo lle avisara de que se ían publicar a súas polémicas fotografías co narcotraficante Marcial Dorado. “Esas fotos estaban en mans de moita xente e a min ameazoume un partido político con facelas públicas, mesmo nunha campaña electoral, e, polo tanto, non podería contestarlle esa pregunta”, contestoulle o presidente da Xunta ao xornalista, que insistiu: “Pero quen lle deu a vostede esa información?”. E Feijóo respondeu: “Dígolle que esas fotos a tiña moita xente e eu non tiven nada que ver con ningún sumario en relación a esas fotos”. “Pero considera lóxico que un delegado do goberno lle informe diso?”, insistiu Reinero. “Intentei non contestarlle á primeira pregunta e non vou facelo nesta. Igual me parecece interesante como unha tertulia, pero non nunha rolda de prensa”, zanxou Feijóo.

Alberto Núñez Feijóo e Jordi Évole, no programa 'Salvados'.
Alberto Núñez Feijóo e Jordi Évole, no programa 'Salvados'.

E despois preguntou Galicia Confidencial: “Foi vostede quen dixo nese programa que foi o delegado do Goberno quen lle pasou esas fotos. Polo tanto, pode confirmar quen foi?”. E a resposta do presidente da Xunta foi o seu menosprezo: “Sería unha falta de respecto que lle dea a vostede unha información que non lle din ao seu compañeiro. Cando teñan vostedes un programa en La Sexta, e lle conceda unha entrevista, igual lle contesto”. 

Velaquí toda a conversa:

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Xanti

E de que vos extrañarte... Leva 9 anos sendo un déspota meus. O piorno e que isto non vai saír en ningures porque vivimos nunha ditadura informativa en Galicia. Por certo, os trolls afiliados ao PP desapareceron dos comentarios? XD