Temas: CINE CANS

Estreas, novas seccións e charlas con Manuel Jabois, novidades do XVIII Festival de Cans

As entradas sairán á venda o vindeiro martes 24 de abril ás 10,00 horas, por un custo de 21,50 euros

Por E.P. | SANTIAGO DE COMPOSTELA | 19/04/2018 | Actualizada ás 15:11

Comparte esta noticia

O XVIII Festival de Cans, que se celebrará do 23 ao 26 de maio no Porriño (Pontevedra), incluirá a estrea de varis filmes, novas seccións de cinema internacional e a presenza do xornalista e escritor Manuel Jabois, entre outras novidades. Ademais, volverá incluír actuacións musicais como a de Depedro, Magín Blanco e Uxía Senlle.

Presentación do Festival de Cans 2018
Presentación do Festival de Cans 2018 | Fonte: Europa Press

Nunha rolda de prensa celebrada en Santiago de Compostela, a presidenta da asociación Arela, Keka Losala, explicou que para o 15 aniversario deste evento se pretendía achegar "maior mobilidade" ao festival. Así, asegurou que a súa aposta se centra na estrea de tres filmes cun claro "compoñente interxeracional" e "moi emocional", como fío condutor das mesmas.

En concreto, o festival comezará o mércores 23 de maio, día consagrado para todos os veciños da zona do Porriño. Con todo, a gran apertura terá lugar o xoves 24 de maio, coa emisión de dous filmes, un en horario de tarde —'British Winters', de Roque e Cale Serie— e outro en horario nocturno, a partir das 20,00 horas —'A estación violenta', de Anxos Fazáns—.

Na estrea desta última película estarán presentes os actores principais, Xosé Lobato e Alberto Rolán, así como outra gran parte do elenco artístico e o escritor e xornalista galego Manuel Jabois, que é o autor do libro homónimo e a primeira vez que participa no cartel do festival.

Ademais, a organización destacou a creación dunha nova categoría cinematográfica, 'Furacáns', que pretende acoller "propostas máis arriscadas". Tamén aposta por "seguir co proceso de internacionalización" da sección 'Extracans', que trata de "vincular profesionais galegos con directores de cinema de todo o mundo".

As entradas para asistir ao evento, cun custo de 21,50 euros, poranse á venda o vindeiro martes 24 de abril, ás 10,00 horas, cunha oferta inicial de 300 entradas para a sesión de tarde e 200 na da mañá. A entrada inclúe unha camiseta e unha chapa temática de Cans de agasallo. O xoves 26 venderanse tamén as acreditacións para a nova sección de 'Furacáns'.

FILMES PARTICIPANTES

En concreto, 'British Winters' é unha obra "inédita" en España, tal e como apuntou o organizador do festival. Así, explicou que se trata dunha "comedia social moi singular", que presenta "xente do mundo do alcol e marxinal", pero cunha visión "erudita".

O seu creador, un cineasta de Tui (Pontevedra) autor de varios libros, Roque Cameselle, debuta en Cans como autor dun filme de imaxe real, xa que até o momento só fixera animación.

Pola súa banda, a película 'A estación violenta', de Anxos Fazáns, que tamén se estreará nos próximos días en festivais internacionais de Buenos Aires, Sevilla e Barcelona, narra un "conflito interxeracional", baseado en "sexo, drogas e rock and roll", nas cidades de Santiago, Pontevedra e San Vicente do Mar (O Grove).

Ademais, estrearase outra película dun novo cineasta de Redondela, Ángel Filgueira, titulada 'Sevilla e Gomorra', que aborda a vida dun estudante de Erasmus na capital andaluza. O que 'a priori' podería parecer unha narración sobre as esmorgas estudantís convértese nun debate de conversacións transcendentais sobre política, filosofía e relixión.

IMAXE E CARTEL DE 2018

O cartel desta nova edición do Festival de Cans é obra da compañía de venda de merchandising galego Nikis Galicia. Precisamente, durante a presentación do evento, o seu creador, David Blanco, asegurou que "foi moi fácil o entendemento coa organización do festival".

Así, explicou que o cartel promocional está inspirado en motivos primaverais como os maios, con motivo da "adolescencia alcanzada polo evento". Deste xeito, busca trasladar a "frescura e insolencia" da "alegría e conquista furiosa" do espírito do 15 aniversario deste festival.

No logotipo aparece o can que dá imaxe ao festival, elaborado a partir de debuxos de flores que, tal e como indicou Blanco, foron "creadas unha a unha" a partir de bosquexos de camelias e margaridas, que combinan cores violetas e amarelos cun resultado "moi ben traballado".

BANDA SONORA DE CANS

Outra das grandes apostas do Festival de Cans, segundo subliñou a organización, é que aposta por "creacións exclusivas" que poñan a banda sonora ao evento, con diversos artistas que crean "música afín" á temática.

Así, despois da actuación de Depedro o día 25, os músicos Magín Blanco e Uxía Senlle actuarán o sábado 26 de maio, ás 13,00 horas. Ambos son os artistas que poñen música á banda sonora do festival, unha composición inclúe as palabras 'cans' e 'trans' para, tal e como indicou Magín, "cambiar de sexo ao can do cartel" e "incluír así as mulleres, reivindicando a presenza das cineastas" no sector.

Neste sentido, Uxía Domínguez engadiu que "está xenial" ese "eclecticismo musical" conseguido coa mestura de 'cans' e 'trans', así como a frase final que vén converterse na lema do festival, que versa 'o que pasa en Cans, queda en Cans'.

Temas: CINE CANS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta