O 112 rexistrou máis de 200 incidentes na noite de San Xoán

O Centro Integrado de Atención ás Emerxencias (CIAE) 112 Galicia rexistrou máis de 200 incidentes relacionados coa celebración da Noite de San Xoán. A maior parte estivo relacionada con fogueiras descontroladas ou sen autorización, solicitude de asistencia médica por inxesta de alcol e requirimento das forzas da orde por mor de pelexas e vandalismo.

Por provincias, A Coruña e Pontevedra foron as que aglutinaron o maior número de incidentes, de forma que se rexistraron 92 na Coruña e 87 en Pontevedra, seguidas de Ourense con 20 e 18 en Lugo.

Igualmente, os concellos que contabilizaron máis intervencións foron A Coruña, Vigo, Nigrán, Santiago, Oleiros, Redondela e Carballo.