Galicia rexistrou máis de 1.200 raios en apenas catro horas este sábado

Galicia rexistrou máis de 1.200 raios este sábado en apenas catro horas, entre as 14,00 e as 18,00 horas, situados en especial, cara á zona sur e o interior da comunidade.

Así o indica a información de Meteogalicia nunha xornada na que estaban previstas tormentas e chuvascos no sur de Galicia, e na que desde as 00,00 até as 18,00 se rexistraron un total de 1.754 raios.

Concretamente, Meteogalicia indica que a maior incidencia deste fenómeno meteorolóxico produciuse entre as catro e as seis da tarde, con 853 raios en Galicia. Entre as dúas e as catro xa se percibiron até 394 en toda a comunidade.