Por E.P. | SANTIAGO DE COMPOSTELA | 27/12/2018 | Actualizada ás 13:39
Seis persoas resultaron feridas na mañá deste xoves nun accidente de tráfico rexistrado no municipio coruñés de Outes, onde chocaron un coche e unha furgoneta.
Segundo a información do CIAE 112-Galicia, o suceso ocorreu sobre as 9.30 horas deste xoves na estrada DP-4502, ao seu paso por Santo Ourente de Entíns, onde os dous vehículos chocaron fronto-lateramente.
Como consecuencia do impacto, tres dos ocupantes da furgoneta e outros tres do coche foron trasladados a distintos centros hospitalarios por persoal sanitario do 061. Os feridos atopábanse accesibles, polo que se descartou o uso do material de excarceración.
No operativo participaron tamén axentes da Garda Civil de Tráfico, do GES de Muros e da Policía Local, así como voluntarios de Protección Civil de Outes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.