Bencomún propón unha candidatura cidadá da esquerda galega para o Senado

A Iniciativa reuniuse este xoves cunha representación do BNG ao redor da 'Carta de Compromisos para a Rexeneración Democrática', e a semana que vén celebraranse xuntanzas con PSdeG-PSOE e EU

BenComún pide que a esquerda escoite á rúa

Por Galicia Confidencial | Compostela | 04/08/2011 | Actualizada ás 18:33

A Iniciativa Bencomún (IBC) propón a constitución dunha candidatura progresista galega unitaria para o Senado, coa vista posta nas eleccións do vindeiro 20 de novembro. IBC considera que a candidatura debería estar conformada por cidadáns e cidadás independentes de recoñecido prestixio nos seus ámbitos laborais ou sociais, así como por representantes da sociedade civil, e debería ser apoiada polas forzas políticas de esquerda.

Así o expuxo este xoves na xuntanza que mantivo co BNG para presentar a súa Carta de Rexeneración Democrática. A plataforma faralle esta mesma proposta de maneira formal aos partidos de esquerda con implantación en Galicia no marco da rolda de contactos que está mantendo con eles neste mes de agosto.

Defensa dos intereses galegos

O obxectivo é a conformación dun grupo galego progresista no Senado que defenda de forma conxunta os intereses de Galicia e dos galegos e galegas e exerza de contrapeso fronte ás tentativas recentralizadoras e de desmantelamento do Estado de Benestar. "Habería un Grupo Galego no Senado por vez primeira, e viría a sumarse á iniciativa coma a Entesa Catalana de Progrés, que dende 2000 representa conxuntamente a PSC, ICV e ERC e que na actualidade conta con 16 senadores", aseguran nun comunicado.

Nas eleccións de marzo de 2008 o PP obtivo 12 dos 16 senadores elixidos en Galicia, gañando o PSdeG-PSOE os outros catro. Porén, a suma dos votos recibidos polos candidatos de PSOE, BNG e EU superou nas catro provincias os colleitados polos conservadores. Unha candidatura unitaria da esquerda racharía a distribución actual e permitiría obter unha maioría de senadores progresistas.

Programa de mínimos

Segundo Bencomún, a candidatura debería articularse ao redor dun programa mínimo centrado na defensa e potenciación do Estado de Benestar e as políticas económicas sociais e redistributivas, tamén na defensa do autogoberno e a redacción dun novo Estatuto de Autonomía para Galicia, e finalmente a rexeneración, transparencia e participación democrática. Consensos que mobilizan unha maioría social dos galegos.

No encontro que mantiveron este xoves na sede nacional do BNG debateuse polo miúdo a 'Carta de Compromisos' presentada a pasada semana, e nela os representantes do BNG amosaron unha coincidencia practicamente total coas propostas feitas e realizaron achegas que serán debatidas no seo da Iniciativa para a súa incorporación ao documento.

Xuntanza co BNG

O Bloque Nacionalista Galego comprometeuse a estudar o texto con máis detemento de cara a unha nova xuntanza, que terá lugar en setembro. Na reunión os representantes de Bencomún tamén presentaron a proposta da referida candidatura cidadá para o Senado, que o BNG se comprometeu igualmentea estudar e debater.

Iniciativa Bencomún celebrará a vindeira semana encontros con representantes de PSdeG-PSOE e Esquerda Unida ao redor da 'Carta de Compromisos' e tamén da candidatura cidadá progresista. Este documento, de 46 puntos, presentouse hai uns días e foi enviado aos principais partidos políticos para que o debatesen e o asumisen publicamente.

Noticias relacionadas

BenComún pide que a esquerda escoite á rúa

11 Asesor en Precario

BenComen, se os deixan...

10 Alfredo Canicouva

Home! Marquiños PrzPena na foto! Vas a ver se cae algo? Suponse que representas a parte cultureta non? Hainos con tempo para todo!

9 Nilo

A min o que me interesa desta idea é oir como no PSG din que non para ver ratificado o seu españolismo provinciano que ven sendo practicado dende a época do liderato de Touriño. Está claro que pode que non sexan tan taxante dado que teñen demostrado responsabilidade en certos temas mais para saber que din terallo que preguntar un xornalista e iso xa é outro tema.

8 O que hai que oír

Flipo con estes próximos ao PSOE e asesores varios... E vai ir nesa candidatura ao senado o senador do PSOE Xavier Carro, o defensor do peche do naval galego? Non me digades que nunha lista conxunta votaría a favor de Galiza! Despois de que o PSOE quitase a careta e xa non se corte en dicir que obedece aos especuladores (hai que tranquilizar a los mercados) aínda hai quen nos ven co conto de que o PSOE é de esquerdas!

1 tourado

O valido do peche naval... e tamén fero apoiante do Decreto do Carbón.

2 carretas

http://www.elpais.com/articulo/Gali.... Lembrades cando Fernando Blanco, o das louseiras do Courel, Reganosa e Plano Eólico, lle ía regalar a Pucho Viñas o estaleiro Astano

3 bigotes

Non, non o lembramos bigotón. Eu si lembro as últimas que anda facendo o teu novo partido, IU, apoiando ao PP en todos lados. Non so en Estremadura e nos concellos, non. Mira o de Álava, mira: http://www.youtube.com/watch?v=08cJ...

4 marujita diaz

http://www.lavozdegalicia.es/hemero...

5 chatarrita díaz

cabareteira bigotuda, que mal momento escolliches para meterte en Izquierda Undida http://www.youtube.com/watch?v=08cJ...

6 O ferrete

http://www.facebook.com/photo.php?f...

7 uncalquera

A "candidatura debería estar conformada por cidadáns e cidadás independentes de recoñecido prestixio nos seus ámbitos laborais ou sociais, así como por representantes da sociedade civil". Se son independentes, supostamente non deberían de estar afiliados a ningún partido, non? Non creo que se chegue a ningún consenso, menos co P(SO)E, pois as comparacións que dicides sobre Cataluña son de risa, mentres o P(SO)E catalán tira para unha república o P(SO)E galego tira máis cara o españolismo rancio. Aínda que me gostaría saber se estarían dispoñíbeis a facer un pacto entre: BNG, EU, Nós-UP, FPG, Causa Galiza,... véxoo máis factíbel entre BNG-EU pero non co resto de partidos, e aínda sendo votante do BNG, non vexo aos caciques da UPG baixándose a pactar con EU para ir en coalición...

1 outro calquera

Pois non sei como non queren pactar con IU, ao mellor é porque IU apoia sempre en España o contrario que en Galiza. Que sectarios os caciques da UPG e do BNG. Mira que non querer pactar con IU. http://www.youtube.com/watch?v=08cJ...

2 Cholas

Vaia xilipollez "a candidatura debería estar formada por cibdadáns independentes..." non me digas mais, por Angel Jove, Tojeiro, Rosalia Mera e Fernandez-Latorre. Canto iluminado xxx DDDD. Se son independentes que se presenten nunha lista, suponse que cando votas por un partido, votas polo seu programa non polas caras. Serás votante do PP, mais semellas un zampahamburguesas desos que din que os políticos tiñan que sufragar a campaña do seu peto, coma en USA onde todolos membros do congreso e senado son millonarios, e claro votan o que sexa menos sobir os impostos as rendas altas.

3 uncalquera

Cholas, Vaia xilipollez "a candidatura debería estar formada por cibdadáns independentes..." non me digas mais, por Angel Jove, Tojeiro, Rosalia Mera e Fernandez-Latorre. Se leras a noticia daríaste conta que quen dixo iso, foron os da IBC. OutroCalquera, EU é tan caciquil coma outra calquera partido pseudocomunista (vaia, coma a UPG) ou o PPSOE. Pero como dixen antes, non creo que cos outros partidos nacionalistas-independentistas se chegue a ningún acordo, porque non chegan a acordos entre eles, cando non suman máis de 6000 votos e só se adican a poñer a parir ao BNG.