A borrasca Helena provoca o desvío a Santiago dun voo con destino á Coruña
Tiña previsto aterrar ás 13,00 horas deste venres no aeroporto coruñés de Alvedro.
Por Europa Press / Redacción | SANTIAGO DE COMPOSTELA | 01/02/2019 | Actualizada ás 13:49
A meteoroloxía adversa causada pola borrasca 'Helena' obrigou este venres a desviar a Santiago de Compostela un voo procedente de Madrid con destino A Coruña.
Segundo informaron fontes de AENA a Europa Press, tratouse do voo da compañía Iberia procedente de Madrid que tiña previsto aterrar ás 13,00 horas deste venres no aeroporto coruñés de Alvedro.
Por iso, o voo de Iberia con saída ás 13,40 horas do aeroporto de Alvedro con destino Madrid tivo que partir desde Santiago de Compostela, "cun pouco de atraso" para esperar a chegada dos pasaxeiros desde o punto de orixe inicia, confirmaron as mesmas fontes.
No resto de aeroportos galegos --en Santiago e Vigo--, as mesmas fontes de AENA indicaron que se opera con normalidade e mantense "todo tranquilo".
