Por E.P. | OURENSE | 14/02/2019 | Actualizada ás 10:36
Axentes da Policía Nacional detiveron a un mozo con antecedentes por roubar durante un forcexeo a carteira a unha persoa que coñecía nun bar da cidade de Ourense.
Segundo informou a Policía Nacional, o pasado 11 de febreiro sobre as 11,00 horas foi detido un home como presunto autor dun de roubo con violencia na zona de mariñamansa.
Os feitos que motivan a detención comezaron o 8 de febreiro cando acudiu a dependencias policiais un home para presentar denuncia polos feitos ocorridos esa mesma tarde nun bar no centro da cidade. O denunciante manifestou que cando estaba a xogar á máquina entrou un home que, sen mediar palabra, abalanzouse sobre el e tentoulle quitar a carteira que tiña encima da máquina.
Nese momento recoñeceu a esa persoa, xa que establecera " certa amizade con el", asegura a Policía, e comezou unha pelexa que rematou co ladrón levando a carteira.
A Oficina de Denuncias e Atención ao Cidadán pertencente á Brigada Provincial de Policía Xudicial realizou xestións para a identificación do presunto autor, que foi localizado e detido na mañá do 12 de febreiro.
O detido foi identificado como un home de 34 anos de idade, natural de Ourense, ao que lle constan dous arrestos anteriores. Quedou en liberdade esa mesma mañá tras pasar a disposición xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.