A Xunta recoñece a existencia de graves problemas cos residuos das granxas na Baixa Limia e o Deza

O director xeral da Consellería de Medio Ambiente mantivo un encontro este martes con gandeiros e ecoloxistas no que confirmou que esa zona padece unha situación de colapso por xurros.

Por Galicia Confidencial | Verín | 28/02/2019 | Actualizada ás 09:00

Comparte esta noticia

O director xeral de Gandeiria, Agricultura e Industrias Agroalimentarias da Consellería do Medio Rural, Silvestre Balseiro Guinarte, confirmou a existencia de graves problemas cos xurros e residuos producidos polas granxas nas comarcas da Baixa Limia e o Deza. Unha situación á que dixo, a Xunta, está tentando buscar solucións.

eurodiputada Lidia senra, o deputado David Rodriguez, o científico e presidente da Asociación Galega de Historia Natural, Serafín González, con membtros do MEL diante dun camión de Coren que descarga xurro nunha finca da Limia
eurodiputada Lidia senra, o deputado David Rodriguez, o científico e presidente da Asociación Galega de Historia Natural, Serafín González, con membtros do MEL diante dun camión de Coren que descarga xurro nunha finca da Limia | Fonte: L.S

Balseiro Guinarte, xunto con outros oito funcionarios da súa consellería, mantivo un encontro con representantes de produtores de pataca, da asociación de gandeiros ADEGAL e do MEL (Movimento Ecoloxista da Limia) nos Actos do IXP pataca da Limia que tivo lugar este martes.

Segundo informa o MEL nese encontro,  “literalmene o señor Silvestre dixo que na Limia hai un grave problema cos residuos producidos nas granxas da comarca, especialmente de porcino e avícolas”. Na xuntanza tamén explicou que esta situación tiña que dar unha volta de 180 grados e que “non se podía verter máis xurro na zona e que os sectores afectados tiñan que aceptar esta decisión, pois a situación é dunha extrema e insostible envergadura”.

Ademais, destacou que a comarca do Deza padece unha situación de “colapso” por contaminación de granxas parecida á da Limia.  No encontro, o director xeral informou de que a Xunta, co conselleiro á cabeza, convocarán un encontro para abordar a regulación da xestión dos residuos animais, promoción da calidade dos produtos autóctonos, compromiso de darlles saída nos mercados e implicacion e compromiso por parte das empresas agroalimentarias nun modelo baseado na e”xcelencia da calidade e nun autentico respecto ao medio ambiente.

A esa xuntanza serán convocados as mesmas entidades que acudiron á deste martes, ademais da Plataforma Auga Limpa Xa e a coñecida empresa agrogandeira Coren. Ademais, desde o MEL pediron que tamén acudan representantes dos sindicatos agrarios. “Desde o MEL vamos outorgar confianza e ilusión a este proxecto, pero advertimos que do mesmo xeito saberemos actuar coa contudencia da que fixemos gala durante 40 anos de existencia”, apunta nun comunicado.             

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta