Unha vaga de calor trae temperaturas 15ºC por enriba do normal
Alcanzaranse valores máis propios de finais de xuño e principios de xullo, con temperaturas de até 30 graos en Galicia.
Por Europa Press / Redacción | TOLEDO | 09/05/2019 | Actualizada ás 17:07
Unha masa de aire africano provocará unha subida extraordinaria das temperaturas desde este venres ata o vindeiro martes e dará lugar ao primeiro episodio de calor intensa deste ano 2019, segundo a Axencia Estatal de Meteoroloxía (AEMET), que sinala que se alcanzarán valores máis propios de finais de xuño e principios de xullo, pois se chegarán a rexistrar ata 15ºC máis do normal para estas datas.
Na Península chegarase a 34 a 36 graos centígrados nos vales do Guadiana e do Guadalquivir (Badaxoz, Córdoba, Sevilla e Huelva) e mesmo en puntos do baixo Guadalquivir superaranse os 36ºC. Tamén serán temperaturas estivais as do val do Guadiana, cuns 32 ou 33ºC en Toledo; entre 30ºC e 32ºC en Madrid; na meseta norte, val do Ebro e interior de Galicia tamén alcanzarán os 30ºC de máxima.
Pola súa banda, de novo no Cantábrico serán algo máis frescas, xa que a máxima estará ao redor dos 20ºC nas zonas costeiras e duns 25ºC no interior.
