Por Europa Press / Redacción | SANTIAGO DE COMPOSTELA | 13/05/2019 | Actualizada ás 10:31
Urxencias Sanitarias de Galicia-061 asistiu durante o fin de semana a 65 persoas debido a 50 accidentes de tráfico rexistrados na rede viaria galega, das que dúas faleceron.
Segundo informou o 061, a Central de Coordinación recibiu entre as 15,00 horas do venres 10 de maio e as 23,59 horas deste domingo 12 un total de 60 chamadas en relación con sinistros de tráfico. O día con máis incidentes foi o domingo, con 25.
Os recursos sanitarios mobilizados polo 061 ascenderon a 59. Deste xeito, as ambulancias realizaron 53 saídas, o helicóptero medicalizado asistiu nunha ocasión e os equipos sanitarios prestaron asistencia en cinco accidentes.
A Coruña, con 22 accidentes, foi a provincia que rexistrou máis accidentes durante os desprazamentos do fin de semana; seguida de Pontevedra, con 17; Lugo, con seis; e Ourense, con cinco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.