Villares afirma que En Marea busca consolidar e ampliar a súa presenza nos Concellos este domingo

"Cando o domingo a xente vaia votar, que escolla a papeleta das mareas para os municipios e para Europa, porque a suma desas dúas papeletas será a garantía da firme defensa dos nosos intereses", apuntou o portavoz de En Marea.

Por E.P. | SANTIAGO DE COMPOSTELA | 24/05/2019 | Actualizada ás 13:42

Comparte esta noticia

O portavoz de En Marea, Luís Villares, asegurou que a súa formación aspira a "manter" os gobernos naqueles concellos nos que teñen "responsabilidade" de goberno e "ampliar" a representación institucional nas administracións locais nas que En Marea aínda non ten presenza ou está na oposición.

Así o destacou nunha rolda de prensa ofrecida este venres xunto á candidata de Compromiso por Europa ao Parlamento Europeo, Lídia Senra, na que destacou que nas eleccións locais que teñen lugar este domingo preséntanse "40 novas mareas municipais" que optan a representación.

"Para nós sería un bo resultado alcanzar representación nelas", explicou o maxistrado lucense en excedencia, que subliñou a "esperanza" posta nos pobos medios, nos que, conforma apuntou, "fíxose un gran traballo" que espera que de "bos resultados".

Todo iso nunha rolda de prensa na que Luís Villares fixo un chamamento aos galegos. "Cando o domingo a xente vaia a votar, que escolla a papeleta das mareas para os municipios e para Europa, porque a suma desas dúas papeletas será a garantía da firme defensa dos nosos intereses", apuntou.

Precisamente, neste punto, destacou o papel decisivo das mareas municipais. "Non nos presentamos como un proxecto colateral. Queremos ser o proxecto central que vehícule as demandas das clases medias e das rendas baixas", indicou.

Ademais, subliñou que En Marea non veu á política a ser "un simple apéndice pola esquerda do PSOE, un Pepito Grilo que lle lembre que debe facer política de esquerda". "Vimos ser unha alternativa integral, a forza maioritaria que mereza a confianza da poboación de cada localidade", manifestou.

26M.- Senra chama a participar nos comicios europeos e destaca os seus máis de 1.300 iniciativas en Bruxelas. EN MAREA
26M.- Senra chama a participar nos comicios europeos e destaca os seus máis de 1.300 iniciativas en Bruxelas. EN MAREA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta