Por Europa Press / Redacción | SANTIAGO DE COMPOSTELA | 28/05/2019 | Actualizada ás 17:48
O grupo de gaiteiras do Centro Galego de Barcelona levará a música de Galicia o vindeiro venres, día 31 de maio, ao Festival Primavera Sound de Barcelona.
O grupo participará neste festival grazas ao acordo asinado este xoves polo presidente da entidade, Carlos Mandianes, coa organización deste evento que o ano pasado contou con 215.000 asistentes.
Case 300 artistas ofrecerán un total de 331 actuacións ata o próximo 2 de xuño na Primavera Sound, que se celebra desde 2001 en Barcelona e que se converteu nun referente como festival urbano.
A agrupación de gaiteiras do Centro Gelego de Barcelona, formada por catro mulleres, contribuirá coa súa actuación a consolidar a aposta do festival polo protagonismo feminino, que este ano se traduce en que elas ocupan máis da metade do programa de concertos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.