Un congreso reúne en Pontevedra a máis de 200 expertos no ámbito da parasitoloxía ata este venres
Por E.P. | SANTIAGO DE COMPOSTELA | 03/07/2019 | Actualizada ás 17:26
A conselleira de Educación, Universidade e Formación Profesional, Carmen Pomar, participou esta mañá na presentación do XXI Congreso da Sociedade Española de Parasitoloxía (Socepa) e Intereuropeo de Parasitoloxía, que reúne no Pazo da Cultura de Pontevedra a máis de 200 expertos e expertas neste ámbito entre este mércores e este venres.
En palabras da conselleira, o encontro "pon ante os ollos da sociedade a relevancia dunha especialidade que, polas súas importantes repercusións na saúde humana e animal, centra gran parte dos seus esforzos investigadores na medicin, na veterinaria e na farmacia".
No evento, os científicos e científicas universitarios, xunto cos grupos de investigación activos en Galicia, contan co apoio do Goberno galego para consolidar un sistema de investigación, progreso e mellora da competitividade, tal e como o ratifica a Xunta nun comunicado.
Durante a intervención, Carmen Pomar destacou que a investigación universitaria "debe de servir para mellorar a sociedade" e que "o coñecemento científico debe reverter en avances nos distintos ámbitos como o rural, a sanidade ou a industria".
