As bibliotecas públicas de Ourense inician este luns as actividades do programa autonómico 'Ler conta moito'
Por E.P. | SANTIAGO DE COMPOSTELA | 13/07/2019 | Actualizada ás 16:27
As bibliotecas públicas municipais de San Francisco, A Carballeira e A Ponte inician este luns as actividades do programa autonómico 'Medra con libros, ler conta moito'. Trátase dunha das iniciativas dirixidas á dinamización da lectura entre os nenos a través de contacontos, teatro e concertos en pequeno formato.
Así, segundo destacou o Concello de Ourense nun comunicado, o programa desenvolverase entre xullo e setembro e é gratuíto ata completar aforamento.
Este luns, arrincará na biblioteca da Carballeira ás 11,30 horas a actividade 'Unha árbore vén vernos, de Carballo con botas', recomendada para nenos entre o catro e o once anos, que tratará a problemática dos incendios e incluirá un taller de reciclaxe de papel.
Pola súa banda, á mesma hora na biblioteca da Ponte levará a cabo 'Nimbo, o Argonauta', para rapaces de entre sete e once anos.
