Ante o caos económico xeneralizado, as imposicións da Unión Europea e a axenda de recortes,o Presidente Feijóo vese comprometido a un dobre esforzo no embuste. Debe presentarse ante os votantes galegos como o verso solto do seu partido, o líder rebelde que desafía a imposición dunhas siglas neoconservadoras. Á vez, ha de exhibirse ante o seu xefe de partido como o delfín do conservadorismo, unha moa máis do aparato. Nesta encrucillada, encontramos o pragmático presidente da Xunta, preocupado por medrar en Madrid. Experto na pose e o autobombo, a Feijóo só lle importa Feijóo e, a imaxe dos grandes rexentes, el atesoura e coida con celo materno os títulos que vai adquirindo.