Por Europa Press / Redacción | SANTIAGO DE COMPOSTELA | 17/01/2020 | Actualizada ás 18:47
O secretario xeral dos socialistas galegos, Gonzalo Caballero, destacou que os últimos datos do CIS sitúan o PSdeG como "líder dunha maioría social progresista para posibilitar un cambio na Xunta".
No último estudo do CIS, realizado en decembro de 2019, á pregunta de se se volvesen celebrar eleccións xerais a que partido votaría, un 22,4% dos enquisados respondeu que ao PSOE, pouco máis dun punto por encima do PP (21,2%).
Sobre estes datos, o socialista remarca que avanzan que haberá "un novo tempo político" en Galicia e que "seguen en condicións" de ser primeira forza este ano --tal e como conseguiron nas xerais de abril en Galicia, aínda que nos últimos comicios o PP recuperou o primeiro posto como máis votado con escasa marxe--.
Por último, Gonzalo Caballero dirixiuse ao actual presidente de Galicia, Alberto Núñez Feijóo, a quen pediu que "teña responsabilidade e deixe de xerar problemas nos últimos meses que lle quedan á fronte da Xunta".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.