Por Europa Press / Redacción | SANTIAGO DE COMPOSTELA | 24/03/2020 | Actualizada ás 19:14
A CIG denunciou ante Inspección de Traballo diferentes prácticas "fraudulentas" e "mafiosas" de empresas galegas con motivo do estado de alarma a raíz do coronavirus. Entre outros exemplos, refírese a empresas do sector da lousa na provincia de Ourense que "pretenden mandar para casa aos seus traballadores, pero a conta das súas propias vacacións".
Ademais, censura hai que empresas que, "saltándose todo tipo de norma, comunican ao seu persoal, individualmente, a suspensión temporal da relación laboral, sen abono de salarios nin indemnización, coa promesa de volver chamalo ao reinicio da actividade". "Neste caso o traballador non tería nin dereito a prestación por desemprego que si ten unha situación de ERTE", avisa o sindicato.
"Estamos a ver a peor e máis miserable cara de moitas empresas que se aproveitan da situación excepcional e basculan os prexuízos dela no punto máis débil, o das persoas traballadoras", lamenta.
Así mesmo, avisa de que a "avalancha" de ERTE que se producen en Galicia "non é máis que a punta do iceberg", xa que empresas "de todos os tamaños" están a comunicar o peche por forza maior ou período de consultas para expedientes regulatorios por causas económicas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.