PPdeG, críticos do PSdeG e Beiras na presentación dun libro de La Voz sobre Feijóo

Ningún representante do BNG, nin membro da dirección socialista acudiu a este evento.

Por Galicia Confidencial | Compostela | 01/12/2012 | Actualizada ás 19:06

Só faltou o protagonista do libro. Polo demais, destacados dirixentes da cúpula do PPdeG déronse cita este venres no Hotel Monumento San Francisco de Santiago para presentar unha obra patrocinada por La Voz e realizada polo xornalista Domingos Sampedro sobre a figura do presidente da Xunta; "Feijóo, de gestor a presidente".

Alí estaban os conselleiros de Educación, Jesús Vázquez; e de Traballo, Beatriz Mato; o presidente da Deputación de Pontevedra, Rafael Louzán; ou o portavoz parlamentario do PP, Pedro Puy. E, xunto a eles, o voceiro de AGE, Xosé Manuel Beiras, acompañado tamén polos exdeputados socialistas José Manuel Lage, Mar Barcón e Modesto Pose. Non había ningunha representación do BNG nin da actual dirección socialista. Ambos os dous partidos están moi enfrentados coa actual dirección deste medio. Tampouco estaba a líder de EU, Yolanda Díaz.

"Cubrir un baleiro"

Segundo informa La Voz, este libro "ven cubrir o baleiro que existía no tratamento bibliográfico sobre a traxectoria política de Alberto Núñez Feijoo" e congregou a "un amplo e plural elenco de representantes da vida política e social de Galicia".

No acto, ademais do autor do libro, interviñeron o alcalde de Santiago, Angel Currás; e o director de La Voz, José Luís Vilela, quen destacou a "intensidade de arriba abaixo" que Sampedro imprimiu ao seu traballo. Pola súa banda, Currás destacou a "gran achega de Feijoo á política galega é que conseguiu darlle á xestión un valor político".

Con todo, Sampedro puntualizou que o libro "non é exactamente unha biografía sobre Alberto Núñez Feijoo" senón unha crónica dos feitos contada a través de múltiples testemuños que os viviron. "Se Feijoo quixese facer unha obra tutelada, probablemente pensaría noutra persoa", ironizou.

6 Bandeira

Pétain (Beiras) non foi ao acto por que lle interesase a vida de Feijóo (que non lle interesa ren), nin tampouco a propia Voz, foi por que o autor do libro (D. Sampedro) é o cronista da Voz no Parlamento; e Beiras (perónd Pétain) sabe perfectamente que o "éxito ou fracaso" da súa actividade dependen da crónicas de Sampedro. Agora non ten detrás del un colectivo organizado (BNG), só existe unha amalgama -ou UTE-, de altermundismo, españolismo, antinacionalismo e esquerdismo infantil con moi pouco implantanción, agás en determinadas localidades e, ante esa debilidade, a súa baza son os medios de comunicación, fundamentalmente a Voz (ver hoxe o artigo de Roberto B. Valdés); por iso, foi Pétain; porca miseria.

1 Un de ANOVA

E Paco Rodriguez é Napoleon! Viva a realidade paralela da UPG. ANOVA prefire facer cousas no mundo real

2 Rayleigh

No mundo real? Para cando o PCE vos pegará a patada no q que vos merecedes? Polo de pronto, xa lles regalástedes 5 deputados e esperan máis. Xa están babexando polas municipais..E nese "mundo real de ANOVA", quen vai despois de Beiras? Como digas Martiño, escacho coa risa..

5 nacionalistagz

É que se non o vexo non o creo! http://www.lavozdegalicia.es/notici... Este era o home que se ía papar ao Feijóo?

4 outeiriño

Tamen fará papadelas Beiras con Feijoo igual que as fixo con Fraga.

1 cans na bouza

Tranqui. De momento ir pagando a "la vos de jalisia"

3 ManuelL

A la Voz le interesó que Beiras entrara en campaña para que los otros partidos desaparecieran. Ahora le toca a Beiras aplaudir a la Dirección del periódico que lo utilizó para mantener a Feijóo como Presidente. Increible que Beiras se deje utilizar para que la derecha siga gobernando.