Servizos sociais galegos rexeitan asumir os trámites do IMV porque levaría ao "colapso"

O Colexio Oficial de Traballo Social rexeita que os servizos sociais galegos asuman trámites relacionados co Ingreso Mínimo Vital (IMV), xa que o sistema está "moi por encima das súas capacidades e isto sería o colapso total".

Tras comezar o pasado luns o prazo de solicitudes do ingreso mínimo, remarca que esta prestación é de carácter estatal como as de desemprego, polo que "a súa competencia deber ser do sistema da Seguridade Social".

Respecto diso, o Colexio lembra que as funcións dos servizos sociais "están vinculados á atención directa que precisan as persoas e non como está a ocorrer agora á execución de tarefas administrativas coma se fose unha xestoría pública".

"Atendemos cada día cuestións de cobertura de formularios, fotocopias ou instancias en liña, e isto incrementouse durante o estado de alarma", avisa. Ademais, denuncia que os servizos sociais galegos están infradotados e contan con falta de apoio contar con máis medios técnicos.

Así mesmo, mostran a súa preocupación por que recaia nos concellos contribuír ao IMV con 70 millóns, dado que as administracións locais deberían contar cunha "maior dotación" para "destinar a servizos sociais comunitarios".

Centos de persoas sen recursos fan cola en Aluche en busca de 'unha bolsa de comida'.