Santiago e Ourense, primeiras cidades que saen das restricións máis severas e poderían abrir bares

Ourense e Santiago de Compostela son as primeiras grandes cidades galegas que saen das restricións máis severas para afrontar a evolución da pandemia de coronavirus, segundo acordou o comité clínico este martes, nunha reunión que se prolongou durante un catro horas. Isto podería supor que se permitira a apertura de locais de hostalaría, pero o comité informará desta posibilidade o martes.

Xunto con Ourense pasan a fase dúas tamén Barbadás e Pereiro de Aguiar e saen tamén do peche perimetral conxunto coa capital galega Ames e Teo. Así mesmo, pasan a fase dúas os municipios da Estrada  e Ares.

Por contra, o comité clínico decidiu incrementar as restricións ao nivel máximo, coñecido como modelo O Carballiño, na Guarda e As Pontes, dada a súa evolución epidemiolóxica. Así mesmo, acórdase manter unha especial vixilancia sobre Boiro, Ordes e Cerceda, na provincia da Coruña, así como sobre A Rúa (Ourense) e A Lama (Pontevedra).