Como cambiou a pandemia as oposicións en Galicia?

A crise sanitaria derivada do coronavirus supuxo unha revolución normativa e lexislativa este ano, un antes e un despois ata o punto que se chegaron a suspender as primeiras eleccións autonómicas xa convocadas (por acordo das forzas políticas). Unha situación inédita en 40 anos de democracia que chegou a suscitar dúbidas no encaixe constitucional.

De feito, unha das cuestións máis demandas por parte do presidente da Xunta, Alberto Núñez Feijóo, é un cambio normativo na lei de saúde para evitar o recurso do estado de alarma para implementar restricións, un asunto do que fixo bandeira, pero cuxa luva non foi recollida polo Goberno. Con todo, en Galicia si se impulsou unha reforma da lei de saúde galega porque, en palabras do mandatario autonómico", hai que "regular" a pandemia, que finalmente se está tramitando por iniciativa do PPdeG.

Pero o Goberno galego non se quedou aí. A través da Lei de medidas fiscais e administrativas, a coñecida como Lei de acompañamento dos orzamentos --neste caso de 2021--, a Xunta, á marxe doutros cambios, tamén excepcións para a celebración dos procesos selectivos, que cos cambios que se incorporarán no Parlamento, vía emenda do grupo que sostén ao Goberno de Feijóo, poderán ver alterado a orde das probas se o require a situación epidemiolóxica.

CAUSA DE FORZA MAIOR

A lei de acompañamento, que agora está a trámite parlamentario, sostén que a situación de emerxencia sanitaria derivada da pandemia constitúe unha causa de forza maior que xustifica, naqueles procesos selectivos ou de provisión, que "non se poidan desenvolver regularmente". Desta forma, adoptáronse medidas como ampliación dos distintos prazos para realizar os exercicios dos procesos selectivos ata que a situación derivada da pandemia permita "un adecuado desenvolvemento".

A futura norma tamén prevé realizar os exercicios dos procesos selectivos en distintas quendas, con probas diferentes sobre o mesmo temario, así como levar a cabo os procesos selectivos en diferentes sedes, distribuíndo aos aspirantes, aínda que co matiz do deber de respectar os principios de igualdade, mérito, capacidade e publicidade no acceso ao emprego público.

Este documento, que foi negociado cos sindicatos, será modificado en sede parlamentaria a través de emendas do PPdeG, que presentou unha trintena de cambios a un texto que, á súa vez, modifica máis de 20 leis autonómicas. Así, a través dos populares, establécese un novo cambio nas oposicións: "a posibilidade de alterar a orde de realización das probas do proceso selectivos".

MELLORA A CARREIRA PROFESIONAL PARA OS CARGOS PÚBLICOS

Outra das modificacións que se fará a través das emendas do PPdeG, á marxe da negociación xeral que se estableceu cos sindicatos, é unha mellora da carreira profesional para os funcionarios que ocupen cargos públicos.

A OPOSICIÓN PIDE SUPRIMIR ESTA DISPOSICIÓN

Por outra banda, o proxecto lexislativo, que acompaña os orzamentos de 2021, inclúe na súa disposición adicional primeira unha modificación do decreto 129/2012, que regula a integración do persoal laboral dos entes instrumentais.

Este cambio permitirá manter un soldo maior os empregados públicos que pasen a ser funcionarios da Administración autonómica procedentes de entes instrumentais, fronte aos que o son de carreira, unha funcionarización que é voluntaria.

Probas de oposición en Silleda. PICASA | Fonte: Europa Press