Os casos en residencias descenden a 83 tras outra xornada sen rexistrar novos positivos
Tamén baixan a 39 os traballadores contaxiados, malia detectar un caso novo.
Por Europa Press / Redacción | SANTIAGO DE COMPOSTELA | 23/02/2021 | Actualizada ás 13:56
Os casos de Covid-19 nas residencias de maiores de Galicia seguen en descenso, con 83 usuarios con coronavirus, tras cinco altas e ningún novo positivo, e 39 traballadores contaxiados, despois dun positivo e 10 altas. Así consta nos datos actualizados este martes polas consellerías de Sanidade e Política Social, nos que saen da lista por negativizar dous usuarios da residencia de maiores de Larouco; un da Quercus de Leiro; outro da vivenda comunitaria de Vilar de Santos e outro da residencia Las Angélicas de Vigo.
Deste xeito, os centros con máis casos son a DomusVi Laraxe de Cabanas, con 39; A Mi Casa Ferrol, con 18; Residencia Milagrosa da Coruña e DomusVi Carballo, con catro en cada caso; e Fogar Residencial Xardín Castro Lar de Salceda de Caselas, con tres. Con dous cada unha sitúanse a vivenda comunitaria Urzáiz de Vigo, A Mi Casa de Pazos de Borbén, Residencia de Viana do Bolo, Residencia de Carballeda de Valdeorras e O Casón de Moeche. E cun contaxio cada unha colócanse a Vivenda comunitaria de Vimianzo, Residencia San José de Arzúa, a San Bartolomeu de Xove, Quercus de Leiro e Fogar residencial Blanco Amor de Boborás.
TRABALLADORES
En canto aos traballadores con Covid-19 en residencias de maiores, detectouse un positivo na residencia Servisénior de Brión, mentres que saen da lista por negativizar cinco traballadores da Laraxe de Cabanas; dous da Quercus de Leiro; dous de Las Angélicas de Vigo e un da Mi Casa Ferrol.
Por tanto, entre os centros con máis casos de Covid-19 entre o persoal inclúense a Residencia O Casón de Moeche, con cinco; Domusvi Laraxe e Nosa Señora do Carme de Sarria, con catro cada unha; e Mi Casa Ferrol, San José de Arzúa, As Gándaras de Lugo e Quercus de Leiro, con tres cada unha.
Mentres, teñen dous casos cada unha os centros Residencia da Pastoriza, San Bartolomeu de Xove e A Nuestra Señora Mundil de Cartelle. E cun atópanse a Residencia Milagrosa da Coruña, Fogar Residencial de Cerceda, Nuestra señora de las Virtudes de Pontedeume, Servisénior de Brión, Virxe da Clamadoira de Muíños, DomusVi Ribadumia, Divina Pastora de Vilagarcía e Fogar Residencial Xardín Castro Lar de Salceda de Caselas.
CENTROS DE DISCAPACIDADE
En canto aos centros de atención á discapacidade (CAPD) de Galicia, os usuarios infectados mantéñense en 17, sete deles na Juan Vidán Torres de Santiago e cinco na Pai Menni de Betanzos. A eles súmanse catro casos na residencia Aspanaes das Pontes de García Rodríguez e un positivo que contabiliza A Nuestra Señora de Fátima e Cristo Rey de Crecente.
Pola súa banda, os traballadores destes centros con Covid-19 redúcense nun tras o alta dun traballador do CAPD de Sarria, que queda sen contagios. Deste xeito, hai cinco casos: dous na Pai Menni de Betanzos, un en CAPD A Coruña, un en Aspanaes das Pontes e outro en DomusVi Bóveda.
