Se che gusta o SEXO, aprende a mirar

Dixo o meu amigo no outono de 1999: “Hai máis SEXO nun murmurio que nun peito.” E francamente, o mozo tiña razón.

Por O faro de Hopper - Leticia Pérez-Lafuente | Madrid | 02/06/2014

Díxenlle eu en xullo de 2001, “É máis SEXY un bikini que facer ‘topless’”.

Fotografía de Alexi Lubomirski. Pasen e vexan.

Poñamos que SEXO non é só o que vén despois; senón todo o previo, e sobre todo a forma de mirar. Canto dura o sexo? Pois algúns encontros de alto contido sexual tranquilamente duran varios séculos, hai quen tivo amantes tan distintos que podería reescribir o guión erótico de toda a humanidade.

A luz no corpo é sexo? É un dos elementos máis eróticos do “baúl do sexo e os seus segredos”, se este existise, e quizáis exista, poida que cada un teña o seu, pero eu non penso preguntar a ninguén, pois se algo fai ao sexo especial é que sexa íntimo. E se me dedico a pór unha folla de parra ou unha flor de loto sobre todos os peitos e pubes da historia da arte? Tería estragado o seu touché sexual? En absoluto. Mesmo o tería magnificado, porque máis potente que a vista é a imaxinación, sen esquecer un perfume. Se o cerebro non fose o órgano máis erótico non existirían nin o sexo individual nin un gran número de lenzos.

Labios para marcar copas (Lisboa). É sexy marcar territorio?

Aínda que tapase cun sxeitador de sacro algodón o que para Rafael Sanzio deberon ser os deliciosos peitos da súa Fornarina ou puxese pixama de inverno á Maja espida de Goya, a mensaxe erótica do pracer seguiría vivo.

La Fornarina (1519)
(Hoxe unha marca de moda sexy)

La maja desnuda (1795-1800)
(Exhíbese sen pudor)

En moitas das obras de arte nas que conviven sexo e inocencia a mensaxe non radica en canta superficie de zona eróxena ensinan senón nun halo expansivo que vai desde a actitude ou a postura da personaxe retratada e por suposto a súa mirada. Míranos a nós? Mira ao infinito? Mírase a si mesmo ou mira ao corpo doutro? Senón que lle pregunten a  Tiziano  e as súas Venus con organista (que viva ese nobre instrumento musical!) ou ao fotógrafo Alexi Lubomirski, “ que sexy!” dixo unha que eu coñecín. Pois detrás do Sexy está o Sexo.  Honestamente, xa ninguén se sobresalta por observar a parte carnal do sexo.

Fotografía de Alexi Lubomirski. Fuente: Área Visual. (Pasen e vexan)

Se incluíse neste post gravados eróticos como os xaponeses Shunga, ou  como os chamados “I Modi”  do italiano Marcantonio ou “A orixe do mundo” de Coubert, o que sorprendería sería a época na que estas imaxes foron creadas. Entón, que nos causa rubor interior hoxe día (unha sensación, por certo, marabillosa)? Talvez o que dicía o meu amigo “o murmurio”, o que me atrapa, o que me excita. Na arte o sexo é unha historia que hai que contar e que se conta con escorzos, sombras, seos, pubes, penes, coxas, costas, mans, veos, beizos, saliva, con todo o que erotiza un cadro, en definitiva, con todo o que acende a un ser humano. Mira o sexo con calma e terás sexo que dure séculos, porque creo que o menos sexy do sexo é o exceso ou a présa e o máis...(os puntos suspensivos).

Leticia Pérez-Lafuente

'El faro de Hopper' é un espazo para gozar da arte e explorar a comunicación das marcas que forman parte da nosa vida. Leticia Pérez-Lafuente Suárez anímavos a descubrir que hai detrás dun cadro ou dun logo. Natural de Vilagarcía, realizou os seus estudos de xornalismo entre Madrid e Italia. Traballou no Faro de Vigo e as emisoras COPE e SER en Vigo. Actualmente reside en Madrid onde, tras especializarse en Consultoría de Comunicación, traballa para Heineken España e Leroy Merlin entre outras marcas. Publica habitualmente na revista Madrid Histórico e continúa a súa formación en estratexia de comunicación e arte.

Visita el blog www.elfarodehopper.com / Facebook: El faro de Hopper / Twitter: @FaroHopper

La Forrnarina (1519). (Hoy un marca de moda sexy)