Por E.P. | SANTIAGO DE COMPOSTELA | 22/03/2022 | Actualizada ás 17:04
Aínda que a pouca velocidade, os encoros galegos continúan gañando hectómetros cúbicos de auga e sitúanse esta semana ao 56% da súa capacidade total, segundo os datos do boletín que publica semanalmente o Ministerio para a Transición Ecolóxica.
En concreto, os encoros teñen 2.084 hectómetros cúbicos de auga, 49 máis que a semana anterior, aínda que moi por baixo das cifras que se alcanzaban o ano pasado por estas datas ou da media dos últimos 10 anos.
Así, os encoros da conca Miño Sil están ao 53,6% da súa capacidade, con 1.624 hectómetros cúbicos de auga, 36 máis que hai sete días, mentres que os de Galicia Costa están ao 67,3%, con 13 hectómetros cúbicos máis, ata os 460.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.