Por Europa Press / Redacción | VIGO | 22/04/2022 | Actualizada ás 11:04
A facturación da industria galega incrementouse un 10,8% no mes de febreiro, en comparación co mesmo mes de 2021, segundo datos publicados este venres polo Instituto Nacional de Estatística (INE), recollidos por Europa Press. Así, Galicia situouse á cola dos incrementos a nivel estatal, mentres que no total de España de media a facturación da industria subiu un 20,3% no segundo mes deste ano.
No que vai de exercicio (xaneiro e febreiro), os ingresos da industria de Galicia subiron un 14,9%, mentres que a media española foi do 21,1%.
DATOS ESTAIS
A nivel estatal, a cifra de negocios da industria subiu un 20,3% en febreiro respecto ao mesmo mes de 2021, taxa 1,8 puntos inferior á de xaneiro, sempre segundo datos do INE. Co avance interanual de febreiro, a facturación da industria suma 12 meses consecutivos de ascensos tras encadear anteriormente un ano de taxas interanuais negativas pola crise do Covid.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.