50 anos da primeira mostra do libro galego en Cataluña

Foi patrocinada pola Galería Sargadelos e puido verse en Barcelona do 17 de maio ao 17 de xuño.

Por E.P. | SANTIAGO DE COMPOSTELA | 22/04/2022 | Actualizada ás 14:18

Comparte esta noticia

A biblioteca da Real Academia Galega (RAG) lembra, con motivo da celebración do 23 de abril, o aniversario da I Mostra do Libro Galego en Cataluña, unha iniciativa concibida para ofrecer ao público catalán unha imaxe da evolución histórica da cultura galega.

Segundo lembra, a exposición, que puido verse en Barcelona do 17 de maio ao 17 de xuño de 1972, foi patrocinada pola Galería Sargadelos e contou coa colaboración de institucións como a Universidade de Santiago de Compostela, a Fundación Penzol, o Museo Carlos Maside e a propia Real Academia Galega.

Da organización encargáronse Ramón Piñeiro e Francisco Fernández del Riego, membros da RAG, coa colaboración do escritor e tradutor Valentín Arias. Entre as obras da Real Academia Galega que se puideron ver en Barcelona destacaba unha das "xoias" da biblioteca desta institución, 'Descrición do Reyno de Galizia e das cousas notables' (Mondoñedo, 1551), do licenciado Molina, primeira gran descrición do antigo Reino de Galicia.

Material da mostra do libro galego en Cataluña. RAG
Material da mostra do libro galego en Cataluña. RAG | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta