Os usuarios de autobús urbano en Galicia aumentaron máis dun 27% en marzo
Por E.P. | VIGO | 12/05/2022 | Actualizada ás 10:05
Os usuarios de autobús urbano en Galicia aumentaron un 27,2% en marzo, respecto ao mesmo mes de 2021, ata alcanzar os 4,48 millóns de viaxeiros, segundo datos publicados este xoves polo Instituto Nacional de Estatística (INE), recollidos por Europa Press.
Así, no que vai de ano, os usuarios de buses urbanos nos municipios galegos incrementáronse un 34,4% respecto do tres primeiros meses do exercicio pasado. A nivel nacional, o INE publica as cifras de usuarios dos diferentes transportes públicos. Así, os viaxeiros que utilizaron o avión e a alta velocidade para desprazarse por España o pasado mes de marzo triplicáronse respecto ao mesmo mes do ano anterior no que aínda existían numerosas restricións debido á pandemia.
Máis de 2,8 millóns de usuarios utilizaron o transporte aéreo en España no terceiro mes do ano (un 197,7% máis), mentres que outros 2,4 millóns escolleron o tren de Longa Distancia para os seus desprazamentos (162,5%). Dentro deste segmento, os viaxeiros que utilizaron o AVE sumaron un total de 1,7 millóns de usuarios (+183,5%) achegándose a cifras anteriores á pandemia.
O transporte ferroviario foi utilizado en España o pasado mes de marzo por case 48 millóns de viaxeiros, un 46,2% máis que o ano anterior, dos cales 43,1 millóns foron usuarios de proximidade (+41,3%); 2,3 millóns de Media Distancia (+76,8%), e 2,4 millóns de Longa Distancia (+162,5%).
