Por E.P. | SANTIAGO DE COMPOSTELA | 29/05/2022 | Actualizada ás 15:15
A Deputación de Ourense e a Ruta do Viño de Valdeorras colaborarán na posta en valor das covas da comarca que antes funcionaban como adegas tradicionais. Así o acordaron nunha reunión o presidente da Deputación, Manuel Baltar, e o presidente da Ruta, Joaquín Sánchez. A de Valdeorras, lembran, é a única denominación de orixe de Galicia que utilizaba espazos escavados na terra para esta produción.
"Valdeorras é unha denominación clave entre as catro áreas de produción da provincia con selo de calidade e entre as cinco existentes en Galicia, coa que colaboramos desde hai anos porque cremos que non só desde o punto de vista enolóxico, senón tamén turístico, ten un peso importante", sinalou Baltar.
Sánchez, que estivo acompañado pola vicepresidenta da ruta, Montserrat Rodríguez, e a técnica Cristina Núñez, agradeceu a colaboración da Deputación, que se concretará en achegas de 30.000 euros nas anualidades de 2022 e 2023 para financiar gastos de funcionamento e proxectos.
O responsable da Ruta destacou a recuperación das covas da comarca, "un aspecto distintivo polo aproveitamento da xeoloxía da zona para elaborar e conservar o viño e que agora se pon en valor".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.