A crise brutal en Galicia: a alimentación sobe máis dun 16% e o IPC o 6,4%
O IPC en decembro en Galicia é 7 décimas máis que a media estatal.
Por Europa Press / Redacción | SANTIAGO DE COMPOSTELA | 13/01/2023 | Actualizada ás 10:21
O Índice de Prezos de Consumo (IPC) quedou no 6,4% en decembro en Galicia, subindo un punto desde novembro aínda que se situou sete décimas por encima da media nacional (+5,7%), segundo os datos definitivos publicados este venres polo Instituto Nacional de Estatística (INE), recollidos por Europa Press.
En concreto, os alimentos e bebidas non alcohólicas pecharon o ano pasado subiron un 16,2% no país, mentres que as bebidas alcohólicas e o tabaco aumentaron o seu prezo un 8%.
Pola súa banda, o vestido e o calzado só subiron un 1,8%, mentres que o enxoval un 8,6%. Os medicamentos (+1,5%) e o transporte (+4,3%) tamén se situaron cun crecemento inferior á media, do mesmo xeito que o lecer e a cultura (+3,1%). Os hoteis, cafés e restaurantes galegos custaron en decembro un 9,2% máis que no mesmo mes de 2021.
Con todo, os únicos produtos que reduciron o seu prezo medio o ano pasado foron a vivenda (-3,8%), as comunicacións (-1,9%) e o ensino (-1%).
DATOS ESTATAIS
A nivel estatal, o IPC subiu dúas décimas en decembro en relación ao mes anterior e recortou 1,1 puntos a súa taxa interanual, ata o 5,7%, a súa cifra máis baixa desde novembro de 2021, sempre segundo as cifras do INE, que rebaixan nunha décima os avanzados polo organismo a finais do mes pasado, cando apuntou a un IPC interanual do 5,8% e a un ascenso mensual dos prezos do 0,3%.
