Aprazada a constitución das corporacións de 9 concellos por parte da Xunta electoral de Noia até o 7 de xullo
Serían os concellos de Boiro, Lousame, Mazaricos, Muros, Noia, Outes, A Pobra do Caramiñal, Porto do Son e Ribeira.
Por Europa Press / Redacción | SANTIAGO DE COMPOSTELA | 15/06/2023 | Actualizada ás 18:55
A constitución das novas corporacións dos concellos de Boiro, Lousame, Mazaricos, Muros, Noia, Outes, A Pobra do Caramiñal, Porto do Son e Ribeira aprazarase ata o próximo 7 de xullo.
Na maior parte dos consistorios o pleno para conformar as novas corporacións saídas do 28 de maio terá lugar este sábado, pero no caso deste nove concellos terase que aprazar ata transcorridos 40 días dos comicios debido a que se debe respectar o prazo para que os partidos presenten recursos contra a decisión da xunta electoral central de desestimar unha denuncia do PSOE.
En concreto, a xunta electoral rexeitou un recurso presentado na xunta electoral de Noia polos socialistas para comprobar os 900 votos nulos que se rexistraron nesta zona tendo en conta que o PSOE quedou a só dez votos de obter un deputado provincial por ese partido xudicial que recaeu no BNG, tal e como informaron fontes consultadas por Europa Press.
Aínda que a xunta electoral desestima a denuncia dos socialistas, sinala que a xunta de zona de Noia deberá realizar a proclamación dos concelleiros electores nos distintos concellos da zona conforme ao resultado do escrutinio xeral realizado. Unha proclamación que se fará efectiva ás 13,00 horas deste venres, 16 de xuño. Precisamente, a Loreg sinala que as corporacións se constitúen en sesión pública o vixésimo día posterior á celebración das eleccións, salvo que se presentou recurso contencioso-electoral contra a proclamación dos concelleiros electos, en cuxo suposto se constitúen o cuadraxésimo día posteiror aos comicios.
A este respecto, fontes socialistas confirmaron a Europa Press a súa intención de non presentar recurso contra a desestimación. Ademais, estas fontes socialistas lembran que o recurso pedindo revisar os votos nulos presentouse en tempo o pasado día 5 e que debería estar xa resolto a semana pasada. Con todo, lamentan que aínda se haxa noticiado este xoves.
Así as cousas, xa na tarde deste xoves a comunicación sobre o adiamento foi recibida polos concellos, como o caso de Mazaricos, tal e como confirmou a Europa Press o seu alcalde en funcións, Juan Blanco.
