Chove coma se nunca escampase: máis de 100 litros por metro cadrado en Lousame e Santa Comba
Por Europa Press / Redacción | SANTIAGO DE COMPOSTELA | 13/11/2023 | Actualizada ás 19:57
O temporal de choiva e vento que este luns afecta a Galicia deixou importantes refachos de vento, así como intensas choivas, que superaron os 100 litros por metro cadrado en Lousame e Santa Comba. Segundo recolle Meteogalicia, o lugar da comunidade no que caeu máis choiva foi a localidade coruñesa de Lousame, onde se recolleron 116,3 litros por metro cadrado; seguida de Santa Comba, con 103,2 litros por metro cadrado. En canto ao vento, o refacho máis alto foi en Viveiro, con 114,8 km/h, seguida de Cuntis, onde se alcanzaron o 94,9 km/h. Ademais, en zonas de máis de 900 metros de altura, o refacho máximo rexistrada este luns é de 89,6 en Carballeda de Valdeorras.
