Negociacións entre SERGAS e sindicatos o vindeiro martes as condicións dos médicos de urxencias hospitalarias
Esta convocatoria chega nos últimos bandazos dunha tempada de gripe que deixou xornadas cunhas 2.700 asistencias diarias.
Por Europa Press / Redacción | SANTIAGO DE COMPOSTELA | 24/01/2024 | Actualizada ás 17:46
A Dirección Xeral de Recursos Humanos do Servizo Galego de Saúde (Sergas) convocou aos sindicatos da mesa sectorial (CIG, CSIF, CCOO e UGT) a unha reunión o vindeiro martes, 30 de xaneiro, para abordar as condicións laborais dos médicos das urxencias hospitalarias.
Será a partir das 11.00 horas na sede da Consellería de Sanidade, en Santiago, e o principal punto do día será o seguimento da aplicación ao persoal de urxencias do acordo asinado o 20 de abril de 2023 con melloras salariais e redución da xornada que se aplicaron xa desde xullo do ano pasado.
Ademais, a reunión da mesa sectorial servirá para abordar a dotación de prazas que hai na categoría de médico de urxencias hospitalarias.
Esta convocatoria chega nos últimos bandazos dunha tempada de gripe que deixou xornadas cunhas 2.700 asistencias diarias --por diversos motivos-- en urxencias de adultos, unha cifra superior ás da tempada anterior, que roldaba as 2.500. Ademais, o pico de ingresos con gripe da última semana de 2023 supuxo unha marca con respecto ao cinco anos anteriores.
