Nueva Pescanova aumenta as súas perdas a 73 millóns e o Dépor a 4,5 millóns en 2023
Así o recolle a memoria anual de Abancaremitida á CNMV.
Por Europa Press / Redacción | SANTIAGO DE COMPOSTELA | 22/03/2024 | Actualizada ás 20:01
Nueva Pescanova rexistrou perdas de 73 millóns de euros en 2023, segundo se sesprende da memoria consolidada anual remitida por Abanca á Comisión Nacional do Mercado de Valores (CNMV).
Deste xeito, as perdas desta participada de Abanca increméntanse respecto dos 60,5 millóns que se anotaba a peche de 2022.
Respecto diso, Abanca informa de que se "continúa traballando na identificación dun socio que poida tomar unha participación no Grupo Nueva Pescanova". Asegura que o efecto producido pola continuidade da guerra en Ucraína, a inflación e o incremento de tipos "fixo que este proceso fose máis lento do previsible".
"Actualmente, na data de formulación das presentes contas anuais consolidadas o banco mantén o proceso activo e aliñado coa folla de ruta establecida para a entrada dun novo socio na compañía", afirma Abanca.
O DÉPOR TAMÉN ELEVA PERDAS
Pola súa banda, o informe de Abanca tamén recolle que o Dépor anota perdas de 4,5 millóns de euros a peche de 2023, case o dobre dos 2,57 millóns que computaba no ano anterior.
Esta entidade dependente de Abanca conta cun activo de 16,3 millóns, un pasivo de 77,5 millóns, con patrimonio neto negativo de 61,3 millóns.
