Temas: PP BNG XUNTA BESTEIRO MóBIL ANA PONTóN DEMOCRACIA OURENSANA PSDEG ARMANDO OJEA INVESTIDURA RUEDA

(Vídeo) Así se viviu a oposición o discurso de investidura: Pontón co móbil, Besteiro a piques de durmir e Ojea resoprando

O propio líder de Democracia Ourensana, Armando Ojea, ao rematar o acto, asegurou ter asistido ao "discurso máis plúmbeo da miña vida".

Por Ángela Precedo | SANTIAGO | 10/04/2024 | Actualizada ás 14:50

O discurso de investidura do candidato á Presidencia da Xunta, Alfonso Rueda, foi vivido por parte da oposición como unha auténtica tortura. O propio líder de Democracia Ourensana, Armando Ojea, ao rematar o acto, asegurou ter asistido ao "discurso máis plúmbeo da miña vida". Opinión que, polo que podemos deducir dos seus xestos, comparten tamén a líder nacionalista, Ana Pontón, e o líder do PSdeG, Xosé Ramón Gómez Besteiro. Mentres para Pontón a salvación estaba no WhatsApp, Besteiro xa non sabía nin cara onde mirar para non durmir e Ojea resopraba a cada pouco desexando que Rueda chegase ao final dunha vez.