Seguen subindo as hipotecas en Galicia, case un 20% en abril
Están moi por riba da media do Estado que é do 14,4%.
Por Europa Press / Redacción | SANTIAGO DE COMPOSTELA | 20/06/2025 | Actualizada ás 10:44
O número de hipotecas constituídas sobre vivendas subiu un 19,4% en abril en Galicia respecto ao mesmo mes de 2024, por encima da media, que rexistrou unha alza do 14,4%, segundo os datos que publica este venres o Instituto Nacional de Estatística (INE).
En concreto, foron 1.434 as hipotecas sobre vivendas constituídas na comunidade galega en abril, por valor de case 169,5 millóns, dun total de 1.950 operacións cuxo importe ascende a uns 219,9 millóns.
No conxunto estatal, o número de hipotecas constituídas sobre vivendas subiu un 14,4% en abril respecto ao mesmo mes de 2024, ata sumar 39.176 préstamos, a maior cifra nun mes de abril desde 2010. Co avance interanual de abril, 30 puntos inferior ao de marzo (+44,5%), a firma de hipotecas sobre vivendas suma dez meses consecutivos de alzas.
