(Vídeos) O Teixedal de Casaio e O Courel en perigo tras arder Pena Trevinca, o pico máis alto de Galicia

Todo espazo natural de Trevinca, o pico máis alto de Galicia, está ardido. O mirador da Serpe, a Lagoa da Serpe, Pena Negra, Pena Surbia... Todo é agora un deserto negro. Ardeu a parte galega e a parte de Castela e León.

Agora o lume vai cara o Teixedal de Casaio, un dos poucos bosques naturais de teixos existentes en Europa xa que esta é unha árbore que adoita medrar illada. É un espazo protexido que ten ó redor de 300 teixos, a maioría deles centenarios, e ocupa unhas 6 hectáreas. Conviven con outras especies como acivros, abeleiras, ou freixos.

 

 

 

 

View this post on Instagram

 

 

 

 

 

 

 

 

 

 

 

A post shared by Terras Altas de Trevinca (@terras_trevinca)

"Rabia, desesperación. Tentamos defender a Lagoa da Serpe cunha mochila e un batelumes", comentan desesperados estes voluntarios. Non hai auga, non hai medios.

O lume avanza por todo Valdeorras e ameaza as localidades da Rúa, San Martín e O Barco. Outra lingua de lume avanza cara o Courel, que xa sufriu un pavoroso incendio en 2022.

 

 

 

 

View this post on Instagram

 

 

 

 

 

 

 

 

 

 

 

A post shared by Galicia Confidencial (@galicia_confidencial)