A CIG pide "recuperar dereitos e salario" na negociación do convenio de seguridade privada

A CIG exporá "recuperar dereitos e salario" na negociación do convenio estatal de seguridade privada prevista para este venres, día 10, informa. Desde a central sindical explican que as conversacións se iniciaron o pasado 23 de setembro por iniciativa da patronal co obxectivo de pactar un novo acordo para 2027 en diante xa que o actual convenio termina en 2026.

Tamén sostén que o empresario quere negociar con antelación "polos problemas de escaseza de man de obra, pola lei de desindexación, que non permite a actualización de prezos nos contratos públicos, e ante unha posible redución de xornada".

"É necesario dar un salto cuantitativo xa que as subidas do SMI puxeron de manifesto a precariedade económica que sofre este sector, tendo moitas categorías que deben actualizar os salarios por este motivo", indican desde a central nacionalista.

Concentración de CIG-Prosegur ante Ikea. CIG