Bob Dylan volverá tocar en Santiago 15 anos despois

Bob Dylan regresará a Galicia no 2019. Nunha xira internacional que comprende oito concertos en España, pasará por Santiago de Compostela 15 anos despois. Farao no Multiusos do Sar o vindeiro 29 de abril.

As outras cidades españolas que visitará no seu Neverending Tour serán en Pamplona (25 de abril), Bilbao (26 de abril), Xixón (28 de abril), Sevilla (3 de maio), Fuengirola (4 de maio), Murcia (5 de maio) e Valencia (7 de maio). As entradas poranse á venda o próximo día 28 de decembro a partir das 11,00 horas en www.riffmusic.es.