Galicia segue á cola de comunidades en prezo do leite a pesar dun lixeiro repunte en agosto
A produción baixou a 234.271 toneladas en agosto en Galicia, un retroceso de en torno ao un por cento en comparación co mes anterior.
Por E.P. | SANTIAGO DE COMPOSTELA | 07/10/2019 | Actualizada ás 18:06
O prezo do leite tivo un lixeiro repunte en agosto en Galicia ata os 31 céntimos pagos de media aos produtores por cada litro, fronte aos 30,9 do mes anterior.
Con todo, segundo os datos publicados polo Ministerio de Agricultura, o prezo galego segue á cola de España con Cantabria (tamén con 31 céntimos). Se a comparativa se fai con agosto de 2018 (era de 30,3 céntimos por entón) tamén hai un pequeno avance en Galicia.
En España a media tamén se eleva en agosto, neste caso ata alcanzar os 32,3 céntimos, máis dun céntimo por encima da galega. Na Península, o maior prezo que se paga a gandeiros prodúcese en Asturias 34,4 céntimos).
Pola súa banda, o total de granxas lácteas non deixa de caer en Galicia e no mes de agosto queda con 7.282 explotacións que fan entregas, unhas 400 menos das que comezaron o ano.
No tocante a produción, baixou a 234.271 toneladas en agosto en Galicia, un retroceso de en torno ao un por cento en comparación co mes anterior.
