"Os nenos sodes o futuro da lingua", asegura o presidente da RAG no inicio das homenaxes a Carvalho Calero

Freixanes destaca a importancia do galego na apertura dos actos de homenaxe en Ferrol a Ricardo Carvalho Calero, protagonista do Día das Letras Galegas 2020.

Por Europa Press / Redacción | Ferrol | 11/02/2020 | Actualizada ás 18:47

Comparte esta noticia

O presidente da Real Academia Galega (RAG), Víctor Freixanes, reivindicou o futuro da lingua galega na apertura dos actos de homenaxe en Ferrol a Ricardo Carvalho Calero, protagonista do Día das Letras Galegas 2020.

O CEIP Cruceiro de Canido acolleu o primeiro acto para honrar ao escritor ferrolán, que ademais serviu para lanzar a nova edición do proxecto web 'Primavera das letras' co que, desde fai cinco anos, a Academia achega a figura do homenaxeado no Día das Letras aos máis novos.

"Os nenos, a xente nova e todos vós que sodes o futuro da lingua, que participedes de maneira activa na celebración do Día das Letras Galegas", sinalou Freixanes ante o alumando do CEIP Cruceiro de Canido, onde subliñou que o galego é unha lingua de "moito futuro".

Ante profesores e escolares, o presidente da RAG deu a coñecer a nova edición do proxecto pensado para os alumnos de Infantil e Primaria, minutos antes de que estes representasen unha obra de teatro sobre a vida e a obra do escritor e profesor ferrolán.

CONTIDOS

A nova páxina web, que pode ser consultada na dirección 'www.primaveradasletras.gal', ofrece contidos lúdicos e didácticos, así como datos da biografía de Calero. Así, ofrécese unha visión da súa obra como creador e a súa achega á literatura galega contemporánea, ademais de apuntamentos para coñecer a súa cidade natal, Ferrol.

Así mesmo, tamén dispón de contidos sobre o teatro e a ópera, dúas das grandes afeccións de Carvalho Calero, e está previsto que se incorporen novos contidos sobre as distintas cidades onde residiu.

ÁNGEL MATO

O acto contou coa presenza do alcalde de Ferrol, Ángel Mato (PSOE), quen manifestou que tiña un dobre motivo para "estar feliz", xa que por unha banda neste ano 2020 "homenaxéase a un escritor ferrolán que tardou moito tempo en que lle fose recoñecido o seu traballo"; e por estar no barrio no que reside. "Coñézovos á gran maioría de vós", trasladou o rexedor aos alumnos.

Por último, a académica Fina Casalderrey, asegurou, dirixíndose aos alumnos, que a RAG "quere manter un vínculo duradeiro" con lso máis jovenes "porque sabe que a verdadeira primavera para a nosa lingua e a nosa cultura está na xente nova".

Acto no CEIP de Canido en homenaxe a Carvalho Calero. RAG
Acto no CEIP de Canido en homenaxe a Carvalho Calero. RAG | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

1 uu1

Não cabe dúvida, os nenos e as nenas são o futuro. Mas para o futuro da língua galego o que se precisa são crianças que...falem galego, não é? E pergunto-me eu, como uma criança vai falar em galego na Galiza se os contidos só estão em castelhano? Seria mais milagre que a multiplicação dos panes e dos peixes! Bi normativa oficial e nas escola nas aulas de língua galega, contidos audiovisuais nas variedades disponíveis da nossa língua, português do Brasil se não existe versão galega, em todos os canais da TDT, distribuição das revistas e livros nas versões disponíveis da nossa língua no momento que se editem a nível mundial, não dous anos mais tarde...o demais são contos para deixar morrer a nossa língua

1 3Bza

O galego non é portugués, vai conquistar a outro sitio.

2 4 caracteres aleatorios

O valenciano non é catalán, vai conquistar a outro sitio (os españolistas téñeno claro, a Raza e o vello Imperio hai que protexelo!).

3 uu1

A opinião de 3Bza é muito ossada, e bem argumentada, não é? Escuitemos aos ilustrados Feijóo: “o idioma Lusitano, e o Galego são um mesmo”, Sarmiento: “a língua portuguesa pura não é outra que a extensão da galega”, ao primeiro presidente da RAG, Murguia “o galego e o português são um mesmo na origem, gramática e vocabulário. Por que não aceitar a ortografia portuguesa? Si nos foi comum em outros tempos, por que não ha de selo de novo?” ou a Castelao, Vilar Ponte, Paz Andrade, Carvalho Calero e muitos mais, que sinto dizer-lhe que tenhem bastante mais credito que você.