Falece un home invidente ao escorregar e caer polo balcón da súa casa en Cenlle
O alcalde relata que ata o lugar se desprazaron a Garda Civil e un xuíz, e crese que "foi un accidente con mala sorte".
Por Europa Press / Redacción | OURENSE | 14/04/2020 | Actualizada ás 20:59
Un home invidente de 79 anos faleceu na madrugada do domingo ao luns ao escorregar e caer desde o balcón da súa casa no municipio ourensán de Cenlle.
Segundo informa a Europa Press o alcalde de Cenlle, José Manuel Rodríguez, el mesmo estivo o domingo "entre o sete e oito da tarde" en casa deste home e a súa muller "charlando". Posteriormente, sobre as 22,00 horas ela foi a cama e o seu marido quedou escoitando a televisión.
Así, sobre as 3,00 da madrugada, a muller "notou que non estaba na cama" o seu marido. Chamou a un fillo que vive e preto e atopou ao home tirado no patio. "Parece ser que igual escorregou e caeu", indica José Manuel Rodríguez.
O alcalde relata que ata o lugar se desprazaron a Garda Civil e un xuíz, e crese que "foi un accidente con mala sorte". O rexedor, achegado á familia "de toda a vida" e da mesma parroquia, explica que o enterro tivo lugar este martes. O home tiña tres fillos.
