Guerra de pancartas a favor e en contra de Feijóo nos Peares, a súa vila natal

Hai veciños que apoia ao seu "presidente" e outros que din que "non os representa".

Por Galicia Confidencial | Os Peares | 25/06/2020 | Actualizada ás 22:50

Comparte esta noticia

Os Peares, a localidade natal da familia do presidente galego, e da que el di sentirse moi orgulloso, vive a súa particular guerra veciñal. Nos últimos días as diferencias políticas dos seus veciños chegaron ao seu punto álxido cunha particular guerra de pancartas.

Pancartas a favor e en contra de Feijóo nos Peares
Pancartas a favor e en contra de Feijóo nos Peares | Fonte: Morris Durán

Feijóo, que arrinca a campaña nesta localidade, terá que enfrontarse a realidade de que Os Peares non é o seu bastión electoral. Alí hai xente para quen o presidente da Xunta non é ben recibido. Para uns é o seu "presidente" e para outros "non os representa".

Estes dous carteis, enfrontado un ao outro, chamou a atención do actor Morris Durán que decidiu sacar unha instantánea nas súas redes sociais. E iso será o que se encontre o presidente galego cando vaia de mitin a súa vila natal.

Non é a primeira vez que Feijóo recibie críticas nos Peares. Hai uns meses, a raíz da entrevista que mantivo alí co xornalista Jordi Évole, e na que falaron da súa amistade co narco Marcial Dorado, apareceron pintadas críticas nalgunhas paredes da localidade que foron borradas antes da gravación do programa.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta