Por Europa Press / Redacción | SANTIAGO DE COMPOSTELA | 19/01/2021 | Actualizada ás 12:35
O titular da Xunta, Alberto Núñez Feijóo, que era reticente a comparecer na Cámara galego para falar sobre a situación da covid no país, cedeu á presión dos grupos da oposición e intervirá a semana que vén no pleno do Parlamento para informar sobre a evolución da terceira onda da pandemia de coronavirus en Galicia.
Farao a petición do BNG, solicitude que apoiou o PSdeG e que se traducirá na devandita comparecencia, que se producirá en substitución da sesión de control, que habitualmente se celebra os mércores. Ademais de sobre os datos de contaxios e a situación dos hospitais, Feijóo dará conta da campaña de vacinación contra a covid-19 e tamén sobre as axudas do Goberno galego aos sectores máis afectados.
O pasado 11 de novembro produciuse outra comparecencia do presidente galego en substitución da sesión de control, por entón para informar sobre como ía a segunda onda da pandemia.
O pasado 11 de novembro produciuse outra comparecencia do presidente galego en substitución da sesión de control, por entón para informar sobre como ía a segunda onda da pandemia.
MEIRÁS
Así as cousas, o martes arrincará un pleno para abordar o último debate dos orzamentos galegos para 2021, antes da súa aprobación final, e a continuación comezará o ordinario, coa lei de medidas fiscais e administrativos --denominada de acompañamento--, a de impulso demográfico e a de recuperación da terra agraria.
Outro dos asuntos que marcará o pleno ordinario será o relativo ao plan de usos para o Pazo de Meirás, por unha moción do PP que, para o PSOE, vai "na liña de priorizar os asociados á memoria de Emilia Pardo Bazán". "Ímonos a opor a que se faga branqueamento do Franquismo", advertiu o socialista Pablo Arangüena, na rolda de prensa posterior á xunta de portavoces.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.