Críticas a Navantia por "escurantismo e abuso" nos procesos de incorporación de persoal

O portavoz da sección sindical da CGT en Navantia Ferrol, Xaquín García Sinde, acusou a dirección da empresa de "escurantismo e abuso" nos procesos de incorporación de novos traballadores á entidade naval pública. Así o denunciou na concentración desenvolvida este mércores ante a porta principal do estaleiro ferrolán, onde denunciou tamén "deficiencias", "favoritismos" e "abritrariedades" neste proceso no que ve "contradicións e inxustizas".

García Sinde abundou en que "Navantia está a se burlar das esperanzas de milleiros de persoas que aspiran a conseguir un emprego digno" e que "ademais está a roubar salarios e cotización sociais a persoas que xa deberían estar contratadas hai moitos meses". Desde a CGT trasladaron que as convocatorias de prazas de ingreso "superaN todos os límites", xa que "non se sabe nada das previstas para o ano 2020" e con respecto ás de 2019, "tres das catro convocatorias, operarios júnior, operarios sénior e universitarios sénior, aínda non finalizaron".

Así, o portavoz sindical detallou que, na categoría de operarios-empregados júnior, "as persoas que xa pasaron o recoñecemento médico están á espera de ingresar na empresa, mentres que as que aprobaron no último exame están a agardar a que lles fagan o recoñecemento médico". Pola súa banda, aqueles que figuran na lista provisional están "á espera de que se contesten ás reclamacións e publíquense as listas definitivas".

En canto ás prazas sénior de operarios-empregados, trasladan que "todos os inscritos están á espera de que se publiquen os temarios e as listas de admitidos e non admitidos.

UNIVERSITARIOS

Sobre as prazas universitarios sénior, incídese que "de 1.958 inscricións, o 95,2% do total so foron admitidas pola empresa", que non "revisou nin unha soa delas". Ademais, censuran que non se publicou lista de admitidos e non admitidos.

Pola súa banda, sobre a categoría para universitarios júnior, "esta convocatoria, a única formalmente finalizada, tampouco se librou da polémica porque Navantia excluíu a unha persoa por exceso de madurez persoal e exceso de coñecemento profesional", cuestión que motivou que a persoa afectada "presentase unha demanda, que está pendente de xuízo e da correspondente sentenza.

Este sindicato tamén criticou a outras organizacións, concretamente a CCOO, UGT e MAS, aos que acusa de "unha actitude pasiva" neste asunto.

VERSIÓN DA EMPRESA

Pola súa banda, un portavoz de Navantia asegurou que "todos os procesos de novas incorporacións están a levarse a cabo conforme ao Plan de emprego" e ao "que se acordou na Comisión central e na Comisión local". Ademais, sinala que, no caso das prazas do ano 2020, a "Comisión central está aberta e están a traballar nela e nas necesidades".

Entrada do estaleiro Navantia en Ferrol.. EUROPA PRESS - Arquivo