O maquinista recoñece que se despistou

Destaca que cando quixo frear xa era demasiado tarde, aínda que "chegou a facelo". Os investigadores analizan os seus móbiles para ver se os usou antes da traxedia.

O maquinista do tren Alvia, libre con cargos

Por Galicia Confidencial | Compostela | 29/07/2013 | Actualizada ás 11:50

Francisco José Garzón Amo, o maquinista do tren accidentado en Santiago, recoñeceu este martes, durante a súa comparecencia ante o xuíz que o ocorrido non foi un fallo técnico, nin tampouco polas condicións do vehículo que pilotaba nin do trazado, senón a un "erro humano", "unha distracción".

Segundo informa o Tribunal Superior de Xustiza de Galicia (TSXG), o conductor do comboi recoñeceu ante Luís Aláez, titular do xulgado de instrución número tres de Santiago, que esa tarde noite despistouse até o punto de non saber onde estaba.

"Chegou" a frear

Así, suliñou que, ao chegar á curva da Grandeira, non sabía que estaba xa neste punto do percorrido e que cando quixo frear, "que chegou a facelo", xa era demasiado tarde. Nese momento estaría circulando á unha velocidade superior ao dobre do permitido nese tramo, limitado a 80.

Sen embargo, neste comunicado non se fai alusión a posibles erros no sistema ERTMS de frenado dos trens Alvia, como o accidentado en Santiago. Os investigadores analizan, agora, os seus teléfonos móbiles, tano o persoal coma o profesional, para determinar se o seu uso puido ter influído no accidente.

Non pediron prisión

O maquinista, que saíu libre con cargos, está obrigado a comparecer cunha periodicidade semanal ante o xulgado que se designe e ten prohibido saír do territorio nacional sen autorización xudicial durante seis meses. Igualmente intervir de forma cautelar a licenza profesional para a condución de ferrocarrís por igual prazo.

Nin o fiscal, Antonio Roma, nin o resto das partes acudidas -Renfe, Adif e dúas compañías aseguradoras- pediron prisión preventiva para o condutor, ao entender que non hai risco de fuga, nin de destrución de probas, e tampouco de reiteración delituosa.

Noticias relacionadas

O maquinista do tren Alvia, libre con cargos

3 Loito

A pregunta é: alguén (algún experto en temas ferroviarios, cidadán, sindicato, maquinista, revisor, ...) denunciou a falta de seguridade da liña? Se así o fixo alguén, é hora de lembralo. Deberíamos tratar estes temas sen maniqueísmo e simpleza, e deixar aos expertos e xuíces que ditaminen. Tamén é certo que nin o infortunado maquinista nin a súa compañía (que semella non apoiar en absoluto aos seus empregados) desexaron o fatal desenlace. Condolencias para as familias dos falecidos, as feridas/os e felicitacións aos veciños de Agrois, verdadeiros heroes da traxedia.

2 eueu

Demasiadas confluencias de erros, curvas, cambios de sistemas de seguranza... E sempre co PP no governo. Este partido é de mal agoiro, tem açar, ten mal fário, dá má sorte, ÍDEVOS DAS NOSAS VIDAS PARA SEMPRE E DIEXÁNOS EN PAZ!

1 Astronauta en paro.

Freou tarde, ou sexa no medio da curva, co cal foi todo moito pior. O que non pode ser é que habendo medios automáticos para evitalo, por culpa dos recurtes deixese todo en mans do factor humano. Resulta moi significativo que o xuiz pese a imputalo o deixe ceibe e sen fianza polo que se intue que hai mais factores implicados. Saeulles mal a goberno e Renfe a teoría conspirativa do uneco causante. Hai moitos cartos en xogo, moitisimos, os presumibles contratos en Rusia, China, Brasil ou USA están no ar.

1 tono

Antes del juicio el juez solo lo puede mandar a la carcel si se da alguno de estos casos: riesgo de fuga, riesgo de destruir pruebas o riesgo de reincidir. Todo lo demás es hablar por hablar.

2 Galahaz

Ademais, nun suposto de homicidio imprudente non cabe prisión provisoria. Eu creo que hai que ter compaixón do pobre home, que o estará a pasar moi mal con tanta dor ás súas costas. Para min é dos grandes damnificados deste accidente, evidentemente moi por detrás das vítimas mortais, dos feridos con graves secuelas e dos seus familiares. Até me aventuraría a dicir que a pena máxima de prisión de 4 anos que lle pode caer (porque supoño que aplicarán a figura do concurso ideal de delitos) non é nada en comparación co sufrimento que padecerá este home toda a súa vida. Unha vez o accidente aconteceu, oxalá fose culpa da máquina e non del.

3 Astronauta en paro.

No dereito procesal penal, a aplicación de fianza conleva un carácter de prisión preventiva. O que pasa é que os PPodres queredes facer tragar o persoal con rodas de muiño. En troques dun sistema manual dos 70 poderían ter un sisema actual automatico`por uns investimentos duns poucos miles de euros no trazado final se tería evitado o accidente, actualmente subcontratado. Os recurtes neoliberais que teñen un tranfondo político mais que económico (economía política versus política económica) custan vidas, moitas vidas e nos saen moi caros, imensamente caros.

4 Xuiz Bean

Tono, aparte das circunstancias que comentas, o xuiz pode mandar ao imputado a cadea, ou a prisión preventiva, ou liberdade con fianza en caso de fortes indicios de culpabilidade.

5 Akribéstaton

Se está tão doido... que diga todo o que sabe. Polos vistos a declaração não é secreta. A imprensa, em vez de repetir o óbvio (haveria que saber por que se despistou, a que dedicava a atenção), poderia dizer com quem estava a falar -mais bem escutar...- por telefone pouco depois do acidente, e de que falou com os diretivos de Renfe (os únicos autorizados a visitá-lo, junto a parentes próximos como a mãe) durante a sua estadia no hospital.